Festas
Procura as festas por parroquia
Milleiros de afeccionados ao motociclismo danse cita a primeira fin de semana de xuño no paseo marítimo de Xuvia. Alí celébrase desde hai uns anos a "Concentración Moteira Cidade de Narón", que na pasada edición coincidiu coas Xornadas de Turismo Activo.
A parroquia de Sedes acolle cada mes de decembro a festividade coñecida como a "Noite da Luz", unha cita tradicional no calendario festivo da localidade que organizan o Padroado da Cultura de Narón e a Asociación de Veciños Rosa dos Ventos, de Sedes.
O Festival Internacional de Folclore impulsado desde o Padroado da Cultura do Concello de Narón vai camiño de alcanzar a súa trixésima edición, que coincidirá co ano 2020.
O mosteiro de San Martiño de Xuvia, na parroquia do Couto, é un dos elementos máis valiosos do patrimonio eclesiástico localizados no municipio.
A colaboración entre o Concello de Narón e a Asociación de Veciños Os Irmandiños permite desenvolver cada ano no lugar de Vilasuso, na parroquia do Val, a tradicional representación das lendas da Pena Molexa.
A mediados de xullo as inmediacións do local social da Picota, na parroquia do Couto, acollen cada ano a celebración da Festa Gastronómica do Pemento do Couto.
O Oenach Atlántico que cada ano se celebra a finais do mes de xullo na parroquia de Sedes é un dos eventos festivos máis característicos do municipio naronés.
O día 23 de novembro celébrase o Día de Narón. Desde 1993 conmemórase esta data que coincide coa da primeira acta oficial conservada do ano 1837.
Esta festa celébrase o primeiro domingo de setembro no paseo do Parque Río Freixeiro.
A chegada do outono e a recollida do millo dan paso na parroquia de Doso á recreación da tradicional esfolla do maínzo. Veciños e veciñas da parroquia rememoran xuntos aqueles tempos nos que se cultivaban grandes superficies de millo e todos se xuntaban para axudar nas tarefas da esfolla, deixando as espigas preparadas para despois coller o gran.
O remate da tempada estival e a chegada do outono marca unha nova cita ineludible no calendario festivo de Narón: o Samaín.
A veciñanza de Narón implícase activamente ano tras ano na festividade dos Maios, que se conmemora cada segunda fin de semana do mes de maio.
A capela da O, na parroquia de Pedroso, convértese cada ano, no mes de maio, nun lugar de visita ineludible para celebrar a romaría da Virxe da O.